免費策略諮詢

問你一個問題,係你睇Facebook果陣
係唔係無意當中看到Facebook專頁嘅題目
就有令你想click入去睇嘅慾望?

如今係一個外貌協會嘅時代,如果將標題比喻成一篇帖文的“外貌”
標題寫得好唔好,決定咗受眾有無興趣打開這篇帖文

有一次,我就在睇Facebook 的時候,睇到一篇帖文
哎呀,尼個標題分明係一下子擊中我嘅痛點
即刻click 開尼篇帖文,迫不及待想睇入面寫咩!

有眼紋老十歲?每天堅持做這事,28天眼紋發生驚奇改變…

我解析:
標題有一個小心機,前半句利用反問提問的方法
吸引貪靚人士嘅注意力。特別係加咗關鍵詞“眼紋”
令好多人士情不自禁對號入座

眼紋確實係一個眼前嘅“殺手”
點樣先可以打敗尼個討厭“殺手”?
後半句畀出答案,講真賣咗一個關子
真正嘅答案,標題入面無話畀受眾知
咁先係標題嘅最高明之處,吸引你必須click開嚟睇
可以知道,每日堅持做咩事
28天眼紋會發生點樣嘅驚喜轉變

標題嘅套路總結如下:
前面第一句反問提問+後面第二句正面改變效果(美好願景)
為咗令你更好嘅理解尼個套路,我再舉兩個例子
方便你再一次加深印象

小朋友經常生病怎麼辦?
每日喝這款營養補充品,再也不用成日去醫院!

忙到無時間睇書?
每日只需30分鐘,一年帶你學會閱讀100本書!

尼類標題歸納起嚟嘅要點就是:
第一,先提問,搵出我們日常生活入面
大眾普遍遇到嘅問題,吸引目標客戶嘅注意力
比如剛才舉例嘅“小朋友成日病?”
尼個係媽咪非常關心嘅問題,因為小朋友入廠
無一例外都係吊鹽水打抗生素,明知咁對小朋友唔好
但都無可奈何,有無解決嘅辦法呢?

第二,當你係標題後半部分提出媽咪最關心嘅重點
捉住媽咪尼個群體特有嘅注意力
即飲咗營養補充品就唔需要打抗生素
媽咪隻眼會發光,咁到底係乜嘢可以達到唔使打針
不用受罪營養補充品呢?

先唔講尼款Supplement係唔係真係有效果
我們首先要做到嘅係,寫好標題即化好個妝
先聲奪人,等受眾click入去
再用詳細的圖文並茂嚟說服受眾,令受眾認同尼款營養補充品
傳播健康嘅理念,認可尼種品牌精神
將受眾培養成自己忠實嘅粉絲,不斷重複購買

尼個方法嘅本質就係實用錦囊,就係喺顧客煩惱、困惑嘅時候
你畀他遞上一個錦囊妙計,令佢忍唔住點擊閱讀
尋找解決問題嘅方法

尼類標題成敗的關鍵係:
1、痛點。你嘅痛點一定要具體
唔好寫“身材發福”,而要寫“肚腩仔一搣一層肉”
2、破解方法或者圓滿結局描述嘅利益一定要可量化
唔好寫“用完你都可變美”
而係寫“用完你都可以好似邊個邊個一樣靚”

好嘅標題,帖文就成功咗一半
所以,你一定要重視你嘅標題
多位美國文案大師都講尼個觀點:
如果畀我5個鐘寫文案,我會花3個鐘諗標題,就係基於咁嘅原因考慮
由此可見,寫好標題嘅重要性

OK!你學識未?
把這個格式儲存落嚟,用到自己嘅帖文寫作入面
你就可以輕鬆寫出80分以上的標題