無論經營Facebook 專頁,定係寫賣貨Blog文,或者登陸頁,一定要多寫客戶評價。點解?因為佢唔但止係自動認證機器,令潛在顧客通過顧客描述嘅好處更加心動,仲能夠對產品帶嚟嘅好處提升信任。係一箭雙雕嘅招數!

相信,睇到尼到好多人都會問:點解你將客戶評價效果講到咁好,我都有用喇,但效果唔明顯呢。

事實上,唔係客戶評價無效果,而係你用錯咗。我發現好多人寫客戶評價,都有一個通病,就好似咁:

“送貨速度好快,用起嚟超級舒服”
“效果好好,用起嚟好滿意”
“質量好好,好鐘意,會返嚟再買”
“顏色好好睇,超級鐘意”

你發現問題未?尼種講法有2大誤區:

第一,太籠統,太模糊!質量好、超級舒服、好滿意等等,都係好虛嘅字眼,顧客睇咗都無任何感覺,而且睇起嚟太似商家邀請佢寫!

第二,太分散喇,唔夠聚焦!令消費者對產品帶嚟嘅效果仲係好懷疑!從寄貨速度,到顏色,再到質量同返嚟再買,一次過涵蓋產品嘅多個賣點。睇落就好似全面,但就無擊中顧客嘅核心訴求!

點先算係核心訴求?就係顧客洗錢願意買果個點。例如,做食品,就要從唔同角度強調新鮮、好食;比如,做課程,就要從唔同角度強調知識同落地實操;減肥類產品,就要反復強調瘦身效果。

咁問題嚟了,點寫先唔籠統,唔模糊,而且又可以擊中核心嘅客戶評價,令其他顧客信服呢?

今天,阿M就分享2個好用嘅客戶評價模板:

第一個:高頻使用+具體嘅美好體驗:

曾經一個“營銷達人”,畀一篇文案我睇,聽講銷量係同類產品嘅2-3倍,仲賣到全網斷貨!我細心睇咗篇文案,發現裡面嘅客戶評價就令人非常心動,佢就係用咗尼個模板:

“尼款急救面膜真係太好用。作為媒體小編,平時熬夜特別多,每次熬夜唔理幾夜都要敷一塊。出差、去旅行都會帶埋,最誇張嘅一次,出差半個月,我帶咗半喼~”

通過“每次熬夜都要敷”“出差、去旅都會帶上”“帶咗半喼”尼D關鍵詞話畀我哋知一件事:顧客好頻密咁使用尼款面膜。

顧客睇咗,心入面會下意識咁諗:人哋都係日日用,出差仲帶咁多,產品一定好好用喇?咁我都試一試~尼個係模板嘅前半部分。跟住就寫使用面膜嘅美好體驗,比如,“敷上面好服帖,就好似第二層皮膚。敷完,同打咗水光針嘅皮膚一樣,皮膚超級細膩。更重要嘅係,唔需要擔心敏感又可以穩定皮膚情況”。尼D就係使用產品後嘅美好體驗。

產品效果點呢? “同打咗水光針嘅皮膚有一樣”“唔需要擔心敏感”“又能穩定皮膚情況”,讀者一睇,自己就明喇,產品到底好唔好用。

效果好,亦都係顧客購買面膜嘅核心訴求。所以,客戶評價要寫頻繁使用同美好體驗。

尼個模板仲可以用係其他產品入面:

比如,賣生果,將好新鮮,好好食,換成“每天都要食幾個,一斤生果唔夠兩日就吃完了(高頻使用),果肉晶瑩剔透,入口甘甜,果汁爆炸無渣,彷彿食夏天嘅美好(具體嘅美好體驗)”

比如課程,將“尼個課堂好有用,學到好多嘢”,換成“每日放工後都一定會準時嚟打卡(高頻使用),老師好nice,會耐心解答我嘅問題,最重要嘅係,我嘅詞彙量同口語水平都改善咗,依家係街上遇到外國人問路,唔單止唔怯,真係太開心啦(具體美好體驗)”

第二個客戶評價模板係:先否定+後驚喜

如果你一上嚟就吹噓產品好好,明顯係用力過度,就會畀人好假,係託嘅感覺。所以,尼個模板就係我們強調嘅慾揚先抑,更符合顧客認知。

核心係咩呢?有2點:

1、先否定:就係先指出顧客普遍嘅顧慮,擔心等等。可以係否定尼類產品嘅效果,亦都可以否定產品嘅體驗等等。常見嘅就係:都無抱太大希望,淨係想試一試;估唔到係尼個咁小體積,可以有咁嘅大威力。

2、後驚喜:就係體驗咗先會發現尼d 擔心根本唔存在,反而非常驚喜。比如,”擔心效果唔好嘅”,後半句係驚喜就係:使用後嘅驚喜效果。

所以,尼種方式會令客戶評價更真實。

模板舉例:

1、賣紫心番薯:

以前買過好幾次紫心番薯,但都唔係太好食。所以一開始都幾猶豫(先否定)。聽閨蜜強烈推介,就買嚟試一試。反正又唔係好貴。收到就煮咗幾舊,真係好甜。 3歲嘅女都食咗一大舊。怪唔得話紫心番薯只有XX地區嘅就最正宗,太抵喇~(後驚喜)

所以,唔係客戶評價無效果,而係你用得唔啱。同樣嘅方法,唔同嘅人用,就會產生唔同嘅效果。魔鬼在細節。

免費策略諮詢