免費策略諮詢

問大家一個問題,當你在睇社交媒體Post嘅時候,如果你屋企已經有類似嘅產品,咁你仲會唔會再次購買?

對於老闆嚟講,如果你想推廣新嘅榨汁機,只係用戶屋企已經有,應該點樣轉換思路做內容呢?

其實對於用戶嚟講,佢哋並無實際體驗過你嘅產品,對產品嘅了解,僅限於你嘅文字描述,只有你用文字幫助顧客構建一個虛擬嘅使用場景,引起顧客對場景聯想,從而激發佢嘅購買慾望。

所以就要轉一轉個腦,諗一諗你嘅產品用戶可能係邊啲場景當中會用到,令佢哋潛意識覺得,哦,我好似咁啱需要尼個產品呢。

今日呢,我就同大家講下點樣通過假設場景,多角度多場景勾引受眾,令受眾覺得,尼個產品就係佢需要,並同你提煉出一個公式同套路,係你寫文案無靈感同思路嘅時候,可以直接套用。

大家諗一諗,要推廣一款眼罩你會點寫呢?因為現代人嘅生活忙碌,OT係常態,能夠趁著搭車嘅時候、或者中午休息嘅時候稍微訓一陣一陣,為接落嚟嘅工作打起精神,唔係好好?

相應嘅煩惱都嚟,宜家周圍都係閉路電視,萬一自己嘅睡姿畀人拍咗,上傳到互聯網上,幾難堪呀,眼罩就捕捉到尼個商機,提出以下嘅廣告語,一齊嚟睇眼罩中提到嘅多場景有無打動你?

巴士、地鐵、辦公室——訓一陣多數發生係公眾場合,你唔想其他人睇到自己嘅睡姿。全覆蓋眼罩,令你嘅睡相成為“秘密”。

尼度分別提到巴士、地鐵、辦公室三個地點,作為白領嘅我哋可以想像,三個場合,係唔時間長,容易令我哋有昏昏欲睡嘅慾望?如果有尼個眼罩,我哋係唔係就唔使擔心人哋偷拍自已嘅睡姿,想點訓就點訓,係唔係好爽?

其實,場景嘅本質就是利用假設成交,先描述出假如顧客擁有尼個產品,可以用係咩地方,可以俾佢帶嚟咩便利同好處,如果佢唔買,就會覺得非常唔方便。進而刺激落單。

點樣寫出巧妙勾出顧客腦海入面嘅理想現實呢?有2個步驟:

1、先列出目標顧客生活入面可能出現嘅場景。主要可以從3個角度:時間上,比如節日假期、週末等。空間上:比如屋企,學校、辦公室、地鐵上。症狀上,比如,秋天咳嘅時侯等等。

2、描述出尼個場景下,產品可以為佢帶來嘅具體好處。

為咗令你理解尼個套路,再舉個例子,方便你再一次加深印象。

如果我哋要賣芝麻丸尼種食品,我哋應該從邊個角度去構思我哋嘅文案呢?睇吓競爭對手嘅原料、產地同製做流程,其實差距並唔大,咁我哋點樣入手呢?

諗一諗,我哋幾時最想食零食呢?我哋可以思考下,好多人都有煲劇/睇波食零食嘅習慣,當成休閒嘅食品食一粒。黑芝麻作為益智補腦嘅食品,媽媽覺得孩子好需要,每日朝早食一粒。

我哋貼心咁幫助用戶係腦入面構想出佢可能使用嘅場景,喚醒佢內心需求,佢就會諗,如果尼個時候食一粒都唔錯!再睇下價錢又唔貴,於是爽快落單!

總結:尼個假設場景其實又叫多場景轉換法,套路總結如下:我哋可以幫助受眾係腦入面構建一個需要嘅場景,按照時間進行分類分別係朝早、中午和夜晚等等,按照地點可以分為辦公室、地鐵、戲院、海邊等等,然後,將相應嘅產品植入場景入面,激發用戶嘅購買欲。

OK!你學識喇嗎?將尼個模板存下來,用到自己嘅文案寫作,你就可以輕鬆寫出80分以上嘅文案。